• 5,00 €

    Dastumad danevelloù brudet-kaer Jakez Riou. Diwar Geotenn ar Werc'hez ha danevelloù all. Emb. Al Liamm, 1957, embannadur kempennet amañ gant Per Denez.

    5,00 €
  • 0,80 €

    Un danevell skrivet gant Fañch-Elies Abeozen hag embannet evit ar wech kentañ e-barzh Galv, e 1941. 

    0,80 €
  • 0,80 €

    Ur gontadenn eus Bro Dreger, dastumet gant Fañch an Uhel, e Plourin, e 1876. Tennet eus Kontadennoù ar Bobl 2.  Emb. Al Liamm, 1985. 

    0,80 €
  • 0,80 €

    Un danevell skrivet gant Youenn Drezen e 1929, mesket enni an Istor bras (koulz an Dispac'h) ha mojenn Kêr Is. Embannet e-barzh Al Liamm e 1965, hag e-barzh Mojennoù ar marv e Breizh Izel hag e Breizh Uhel, An Alarc'h embannadurioù, 2013

    0,80 €

Degemer mat deoc'h war Lennadenn !

Al lennegezh da selaou !


Degemer mat deoc'h war Lennadenn !, ul lec'hienn gouestlet d'al lennegezh e brezhoneg. Kemer ul levr, en em staliañ aes ha brav, treiñ ar pajennoù hag en em laosker da vont e-barzh... Pebezh plijadur !

Met Lennadenn ! a ginnig deoc'h mont e bed al levrioù en ur mod all : selaouit an istor a zo bet skrivet gant ar skrivagner, an istor a gont deoc'h !

Bezit evel an dud, gwechall, e korn an oaled, o selaou ar c'honter ; deuit da vezañ en-dro ar bugel a selaoue al levrioù lennet dezhañ gant e dud...

Un doare all da reiñ buhez d'al lennegezh vrezhonek !

War Lennadenn ! e c'hallfet pellgargañ levrioù da selaou, levrioù audio e brezhoneg : romantoù, danevelloù, kontadennoù hengounel... troidigezhioù, oberennoù klasel lennegezh ar bed pe krouidigezhioù skrivagnerien vreizhat... levrioù kozh pe lennegezh a-vremañ...

Kredit 'ta selaou ul levr mat !

Notit mat ne gavfet ket war al lec'hienn-mañ kroudigezhioù liesvedia, gant trouzioù, bommoù sonerezh...  met levrioù audio rik : testenn ar skrivagner, mouezh al lenner... tra ken ! D'ar selaouer d'ober ar peurrest, da santout, da welet, da glevet ar pezh a gar dre e faltazi... evel gant ul levr paper !